តុលាការក្រុងភ្នំពេញលើកពេលប្រកាសសាលក្រមលោកសម រង្ស៊ី

Sunday, September 12, 2010

តុលាការក្រុងភ្នំពេញលើកពេលប្រកាសសាលក្រមលោកសម រង្ស៊ី

by សំពៅ | at 11:00 PM

ដោយ ហេង រស្មី វីអូអេ ខ្មែរ | ភ្នំពេញថ្ងៃព្រហស្បតិ៍, 09 ខែកញ្ញា 2010
រូបថត៖ អេភី
លោក សម រង្ស៊ី រងការចោទប្រកាន់ពីបទក្លែងបន្លំឯកសារ និងចែកចាយព័ត៌មានមិនពិត ដែលរួមគ្នាអាចឲ្យលោកជាប់ទោសពន្ធនាគាររហូត១៨ឆ្នាំ។
តុលាការ ក្រុងភ្នំពេញលើកពេលប្រកាសសាលក្រមមេដឹកនាំគណបក្សប្រឆាំងរឿងក្លែង បន្លំឯកសារនិងផ្សព្វផ្សាយព័ត៌មានមិនពិត។ បន្ទាប់ពីសវនាការអស់រយៈពេលជិត៦ម៉ោងក្រោមការយាមកាមយ៉ាងតឹងរ៉ឹង លោកកែ សាខន ប្រធានក្រុមប្រឹក្សាជំនុំជំរះនៃតុលាការក្រុង បានប្រកាសថារឿងក្ដីនេះនឹងប្រកាសនៅថ្ងៃទី២៣ខែកញ្ញាខាងមុខ នេះ។
តុលាការក្រុងភ្នំពេញ នៅថ្ងៃពុធនេះ បានលើកពេលប្រកាសសាលក្រមមេដឹកនាំគណបក្សប្រឆាំង រឿងក្លែងបន្លំឯកសារនិងផ្សព្វផ្សាយព័ត៌មានមិនពិត ហើយការកំណត់កាលបរិច្ឆេទនៃការប្រកាសសាលក្រមជាផ្លូវការនឹងធ្វើ នៅថ្ងៃទី២៣ខែកញ្ញាខាងមុខនេះ នេះបើតាមការបញ្ជាក់របស់លោកកែ សុខន ប្រធានក្រុមប្រឹក្សាជំនុំជម្រះនៃតុលាការក្រុងភ្នំពេញ។
សវនាការ ប្រឆាំងលោកសម រង្ស៊ី មេដឹកនាំគណបក្សប្រឆាំងនេះ បានប្រើរយៈពេលជិតប្រាំមួយម៉ោង ក្រោមការយាមកាមយ៉ាងតឹងរ៉ឹងបំផុតពីសមត្ថកិច្ចច្រើនរាប់សិបនាក់ ប្រដាប់ដោយអាវុធ ដែលត្រូវបានដាក់ពង្រាយជុំវិញបរិវេណតុលាការ។
អ្នក សារព័ត៌មានមិនត្រូវបានអនុញ្ញាតឲ្យចូលស្តាប់នៅក្នុងបន្ទប់ សវនាការនេះទេ ក៏ប៉ុន្តែតុលាការបានប្រើប្រាស់ឧគ្ឃោសនសព្ទបំពងសំឡេងត ផ្សាយបន្តផ្ទាល់ចេញពីបន្ទប់សវនាការមកក្នុងបរិវេណតុលាការដើម្បី ឲ្យសារធារណជនបានស្តាប់។
សវនាការដែលប្រើពេលជិតប្រាំមួយម៉ោង នេះ មានការជជែកគ្នាយ៉ាងតឹងសរសៃករវាងមេធាវីការពារជនជាប់ចោទ និងតំណាងអយ្យការព្រមទាំងមេធាវីតំណាងរាជរដ្ឋាភិបាល។
ក្រោយពី ចប់សវនាការ លោកគី តិច មេធាវីការពារក្តីតំណាងឲ្យរដ្ឋាភិបាល បានថ្លែងប្រាប់ក្រុមអ្នកកាសែតថា មូលហេតុដែលយើងបានចោទប្រកាន់ថាក្លែងបន្លំឯកសារនេះ គឺដោយសារតែលោកសម រង្ស៊ី បានយកផែនទីទៅប្រើមាត្រដ្ឋានខុសពីការពិត។
«ទៅធ្វើ Datum ផ្សេងហ្នឹង គឺធ្វើឲ្យមានការប្រែប្រួលទៅលើចំណុចទាំងអស់មាននៅក្នុងផែនទីគឺ ទាំងខ្សែបន្ទាត់ព្រំដែន គឺថាវារំកិល។ នៅក្នុងហ្នឹង អ្នកជំនាញយើងបានបំភ្លឺហើយ គឺថាដាក់របៀបនេះគឺអាចរំកិលដល់ទៅ៥៣០ម៉ែត្រ»។

មានសាក្សី យ៉ាងតិចចំនួនពីររូប ដែលបានចូលបំភ្លឺនៅក្នុងសវនាការនេះ ហើយសាក្សីទាំងនោះ បានអះអាងថា មានចំណុចបួន ដែលលោកសម រង្ស៊ី បានដាក់បង្ហាញខុសពីការពិតនោះ គឺទីមួយ ផែនទីដែលមានបណ្តាញក្រឡាការ៉ូ ដែលខុសពីផែនទីតម្កល់នៅអង្គការសហប្រជាជាតិមិនមានកាឡាការ៉ូ នោះទេ ទីពីរ ផែនទីដែលដាក់បង្ហាញទីតាំងបង្គោលខុសពីទីតាំងដែលគណៈកម្មាធិការ ព្រំដែនបានធ្វើ ទីបី លោកសម រង្ស៊ី បានប្រើប្រាស់បច្ចេកទេសដាក់ទីតាំងបង្គោល ដោយបានទទួលយកឧបករណ៍ GPS ទៅដាក់នៅលើផែនទី ដែលផលិតដោយកងយោធាសហរដ្ឋអាមេរិកដែលប្រើមាត្រដា្នន១/៥០០០០ គឺខុសនឹងបច្ចកទេស និងទីបួន ទីតាំងបង្គោលលេខ១៨៦ គណៈកម្មាធិការបច្ចេកទេសពុំទាន់បានកំណត់នៅឡើយទេ។
លោកជួង ជូងី មេធាវីការពារក្តីលោកសម រង្ស៊ី បានមានប្រសាសន៍ថា ផែនទីដែលលោកសម រង្ស៊ី បានដាក់បង្ហាញនេះ គឺត្រឹមត្រូវ ពីព្រោះបានចម្លងពីអ្នកជំនាញផែនទីមួយរូប ហើយអ្វីដែលលោក សម រង្ស៊ីបានធ្វើនេះ គឺដើម្បីការពារបូរណភាពទឹកដីកុំឲ្យបាត់បង់។
លោក ជួង ជូងីបានមានប្រសាសន៍ថា សុំឲ្យតុលាការធ្វើការវិនិច្ឆ័យ ពីព្រោះរឿងក្តីនេះគឺជារឿងប្រវត្តិសាស្រ្ត ហើយអ្នកធ្វើសាក្សីក៏ជារឿងប្រវត្តិសាស្រ្តផងដែរ។
លោកយឹម សុវណ្ណ អ្នកនាំពាក្យ និងជាអ្នកតំណាងរាស្រ្តគណបក្សប្រឆាំង បានមានប្រសាសន៍ប្រាប់ក្រុមអ្នកកាសែតនៅខាងក្រៅបរិវេណសាលាដំបូង រាជធានីភ្នំពេញថា បើចៅក្រមមានសុភវិនិឆ្ឆ័យត្រឹមត្រូវ កាត់សេចក្តីដោយឯករាជ្យ និងគ្មានហេតុផលនយោបាយនៅពីក្រោយនោះទេ នោះលោកសម រង្ស៊ីនឹងរួចផុតពីការចោទប្រកាន់។
«គេប្រើប្រាស់ ជាឧបករណ៍នយោបាយដើម្បីបំបិតមាត់គណបក្សប្រឆាំង ដើម្បីបន្ទុចបង្អាក់សកម្មភាពអ្នកតំណាងរាស្រ្ត ដែលហ៊ានងើបឡើងតស៊ូការពារបូរណភាពទឹកដីរបស់ខ្លួន ការពារយុត្តិធម៌ជូនប្រជាពលរដ្ឋទូទាំងប្រទេសជាពិសេសគឺប្រជា ពលរដ្ឋដែលបាត់បង់ដីធ្លីដោយសារការបោះបង្គោលព្រំដែន»។
ប្រសិនណា បើតុលាការរកឃើញថាមានទោសកំហុស នោះលោកសម រង្ស៊ី មេដឹកនាំគណបក្សប្រឆាំងនឹងប្រឈមមុខការដាក់ពន្ធនាគារពីប្រាំឆ្នាំ រហូតដល់១៥ឆ្នាំ តាមមាត្រាទី៤៩ ពីបទក្លែងបន្លំឯកសារ និងរយៈពេលពីប្រាំខែរហូតដល់ប្រាំឆ្នាំពីបទផ្សព្វផ្សាយព័ត៌មាន មិនពិត តាមមាត្រាទី៦២នៃច្បាប់ព្រហ្មទណ្ឌអន្តរកាល។
លោកសម រង្ស៊ី ដែលពេលនេះកំពុងស្នាក់នៅឯក្រៅប្រទេស ត្រូវបានតុលាការខេត្តស្វាយរៀង កាត់ទោសកំបាំងមុខ កាលពីចុងខែមករា ឲ្យជាប់ពន្ធនាគាររយៈពេលពីរឆ្នាំ និងពិន័យជាប្រាក់ជាង ៦០លានរៀល ជាមួយនិងប្រជាពលរដ្ឋចំនួនពីររូបផ្សេងទៀត បន្ទាប់ពីតុលាការរកឃើញថា លោកជាប់ពាក់ព័ន្ធនឹងការដកតម្រុយបង្គោលព្រំដែនលេខ១៨៥រវាងប្រទេស កម្ពុជា និងប្រទេសវៀតណាម និងញុះញ៉ង់ឲ្យមានការរើសអើងជាតិសាសន៍។
ក៏ប៉ុន្តែលោកសម រង្ស៊ីធ្លាប់បានចោទប្រកាន់ថា ករណីរបស់លោកនេះជារឿងនយោបាយ៕

0 sampeou.co.cc:

Ray Templates

សូមថ្លែងអំណរអរគុណចំពោះប្រិយមិត្តដែលបានចំណាយពេលវេលាដ៏មានតំលៃចូលមកកាន់ គេហទំព័ររបស់យើងខ្ញុំ សូមអភ័យទោសរាល់កំហុសឆ្គងដែលមាននៅក្នុងកូនគេហទំព័រនេះ និងរង់ចាំទទួលនូវមតិរិះក្នុងន័យស្ថាបនាទាំងអស់គ្នា ៕ ទាំងអស់គ្នាដើម្បីបច្ចេកវិទ្យា បច្ចេកវិទ្យាដើម្បីទាំងអស់គ្នា ៕

khmersr Hotnews

Category

សិក្សាភាសាអង្គគ្លេស Free

ធម្មសង្គាយនាគ្រែប្រាំ

ចំរៀងយីកេខ្មែរ

ព្រះពុទ្ធសាសនាខ្មែរ

កំសាន្តអារម្មណ៍ជាមួយនិងចំរៀងពិរោះៗ

ពត៌មានផ្ទាល់ខ្លូន

ព័ត៌មានថ្មីៗ

ភ្ជាប់ទៅកាន់វ៉ិបសាយដ៏ទៃ

ចំនួនអ្នកទស្សនា

ចំនួនអ្នកចូលទស្សនា

សូមស្វាគមន៍

ទស្សនិកជនកំពុងទស្សនា

Sunday, September 12, 2010